समाज

तीन कक्षामा अध्यन गर्ने छात्रालाई यौन दुब्र्यवहार गरेको आरोपमा शिक्षक पक्राउ

• गाउँ सहर संवाददाता
• ३ असार शुक्रबार, २०७९ | ०८:१३:०० मा प्रकाशित

तम्घास । गुल्मीमा कक्षा तीनमा अध्यन गर्ने छात्रालाई यौन दुब्र्यवहार गरेको आरोपमा शिक्षक पक्राउ परेका छन् ।

जिल्लाको रुरुक्षेत्र गाउँपालिका वडा नम्वर ३ को प्रतिभा आधारभुत माध्यमिक बिद्यालयमा अध्यापन गराउने शिक्षक रामहरी ज्ञवालीले कक्षा तीनमा अध्यनरत नावालिकालाई यौन दुब्र्यवहार गरेको आरेपमा पक्राउ गरिएको जिल्ला प्रहरी कार्यालय गुल्मीले जनाएको छ ।

आरोपी शिक्षकले जेठ १७ गते दिउँसो स्कुल समयमा अस्वभाविक यौनजन्य कार्य गरेको भनी परिवारले दिएको उजुरीका आधारमा बिहीबार पक्राउ गरिएको प्रहरी नायव उपरीक्षक माधव खरेलले जानकारी दिए ।

आरोपी शिक्षकलाई बालयौन दुब्र्यवहार सम्बन्धी कसुरमा मुद्धा दर्ता गर्ने तयारी गरेको गुल्मी प्रहरीले जनाएको छ । घटनाको बारेमा थप अनुसन्धान जारी रहेको प्रहरीले जनाएको छ ।