दिगोविकास

शेयरबजार निरन्तर ओरालो यात्राले अत्तालिन थाले लगानीकर्ता, नेप्से सूचक २०२० मा झर्‍यो

• गाउँ सहर संवाददाता
• २४ जेठ मंगलबार, २०७९ | १५:५१:०० मा प्रकाशित

काठमाडाैं । शेयरबजारमा निरन्तर गिरावट आउन थालेपछि दाेस्राे बजारमा लगानी गर्ने लगानीकर्ताहरू अत्तालिन थालेका छन् । निरन्तर घट्दाे क्रममा रहेकाे बजारमा नेप्से २०० भन्दा बढि अंकको गिरावट आएको छ ।

लगातार आठौं कारबोर दिनसम्म घट्दा नेप्सेमा २१९ अंकको गिरावट आएर नेप्से सूचक २०२०.२३ अंकमा झरेको छ । यसरी दिनहुँ बजार घट्न थालेपछि लगानीकर्ताहरू अलमलमा परेका छन् भने साना लगानीकर्ताहरू पलायन हुन थालेका छन् । 

मंगलबारको कारोबारमा नेप्से ४५.५९ अंकले घटेको नेप्से सूचक २०२०.२३ अंकमा पुगको छ । यस दिन २३४ कम्पनीको एक अर्ब ३१ करोड बढीको सेयर किनबेच भयो ।

१ सय ८१ कम्पनीका लगानीकर्ता ठूलो रकम गुमाएका छन् भने १५ कम्पनीका सेयरधनीले केही नाफा कमाएका छन् ।

सेयर बजारमा २ कम्पनी बाफेली हाइड्रो पावर कम्पनी र उपकार लघुवित्त वित्तीय संस्थाको सेयर मूल्यमा सकारात्मक सर्किट लागेको छ ।

मंगलबार नेप्सेमा एकमात्र कम्पनी हिमालय बैंकको सेयर मूल्यमा १० प्रतिशतको नकारात्मक सर्किट लागेको छ । 

कारोबार रकमका आधारमा यस दिन एनआईसी एशिया शीर्ष स्थानमा रहेको छ । सो बैंकको यस दिन ६ करोडभन्दा बढीको शेयर खरिदबिक्री भएको छ । त्यसैगरी, यस दिन कुमारी बैंकको करिब ६ करोडको शेयर कारोबार भएको छ ।