गाउँ सहर

काठमाडौँ महानगरः वालेन्द्र र सुनिता औपचारिक जित नजिक

• गाउँ सहर संवाददाता
• ११ जेठ बुधबार, २०७९ | ०९:४४:०० मा प्रकाशित

काठमाडौँ । काठमाडौँ महानगरमा मत परिणामको अन्तिम परिणाम आउने क्रममा छ । वर्तमान परिणामअनुसार स्वतन्त्र उम्मेद्वार वालेन्द्र शाह (वालेन) ले ५४ हजार ७१८ मत प्राप्त गरेका छन् । कांग्रेसकी सिर्जना श्रेष्ठले ३४ हजार ६०८ मत ल्याएकी छन् । उता एमालेका केशव स्थापितले ३३ हजार ९७५ मत प्राप्त गरेका छन् ।

काठमाडौँ महानगरपालिका काठमाडौँ जिल्लामा पर्दछ । यस महानगरपालिकामा कूल जनसंख्या ८,४५,७६७ रहेको छ भने कुल मतदाता संख्या ३,००,२४२ रहेको छ । जसमा १,४४,३६३ पुरुष र १,५५,८७८ महिला रहेका छन् । यस महानगरपालिकामा ३२ वडा छन् ।

करिब ५२% अर्थात १ लाख ९१ हजार १८६ मत खसेको काठमाडौँमा करिब १ लाख ३५ हजार मत गनिसकिएको अवस्था छ । यसमा बदर मत उल्लेख छैन । यो हिसावले हेर्ने हो भने वालेन्द शाहको जित निश्चित देखिएको छ ।

उता उपमेयरमा एमालेकी सुनिता डंगाेलकाे जित निश्चित देखिएकाे छ । उनले ५१ हजार २०७ मत ल्याउँदा प्रतिद्वन्दी एसका रामेश्वर श्रेष्ठले १७ हजार ३४८ मत ल्याएका छन् ।