राजनीति

महानगर संग्रामः वालेन्द्र, धनराज, रेनु, चिरीबाबु, राजेशमान र नागेश अगाडि

• गाउँ सहर संवाददाता
• ३ जेठ मंगलबार, २०७९ | १३:००:०० मा प्रकाशित

काठमाडौँ । स्थानीय निर्वाचनअन्तर्गत बहुचर्चित महानगरमा क्रमशः वालेन्द्र, धनराज, रेनु, चिरीबाबु, राजेशमान र नागेश अगाडि रहेका छन् ।

काठमाडौँ महानगरपालिकामा स्वतन्त्र उम्मेदवार वालेन्द्र शाह (वालेन) लाैराे कै अग्रता कायम छ । उनले अहिलेसम्ममा १०हजार ८९९ मत प्राप्त गरेका छन् । उनका निकटतम प्रतिद्वन्दीहरु झण्डै आधा बढि कममा छन् ।

यसैगरी पोखरामा एकीकृत समाजवादीका धनराज आचार्यले लिड गरेका छन् । आचार्यले ९ हजार १६५ मत ल्याएका छन् ।

भरतपुरमा माओवादी केन्द्रकी रेनु दाहाल र एमालेका विजय सुवेदीबीच प्रतिश्पर्धा छ । रेनुले ६ हजार २०२ मत ल्याउँदा एमालेका विजय सुवेदीले ६ हजार ११५ ल्याएका छन् ।

यस्तै ललितपुर महानगरको प्रमुखमा कांग्रेसका चिरीबाबु महर्जनले ७ हजार २१७ मत ल्याउँदा एमालेका हरिकृष्ण ब्यञ्जनकारले ३ हजार ८३ मत ल्याएका छन् ।

यस्तै वीरगन्ज महानगरमा जसपाका राजेशमान सिंहले ८ हजार १३१ मत ल्याउँदा एमालेका विजयकुमार सरावगीले ३ हजार ६२२ मत ल्याएका छन् ।

उता विराटनगरमा कांग्रेसका नागेशले लगातार लिड गरेका छन् । नागेश कोइरालाले ९ हजार मत ल्याउँदा एमालेका सागरकुमार थापाले ६ हजार ६६७ मत ल्याएका छन् ।

याे समाचार तयार पार्दासम्म कांग्रेसले १३१ स्थानीय तहको अध्यक्ष/प्रमुख जितेर पहिलाे नम्बरमा छ । उपाध्यक्ष/उपमेयरमा पनि उसकै वर्चश्व छ, १२६ जितेकाे छ ।