गाउँ सहर

प्रमुख/अध्यक्षमा एमालेलाई पछ्याउँदै कांग्रेस, उपप्रमुख/उपाध्यक्षमा कांग्रेस अगाडि

• गाउँ सहर संवाददाता
• २ जेठ सोमबार, २०७९ | ०८:०४:०० मा प्रकाशित

काठमाडौँ । मतगणना सुरु भएका विभिन्न स्थानमा शिर्ष पदमा अहिलेपनि नेकपा एमाले अगाडि देखिएको छ ।

अहिलेसम्म एमालेले ३४ स्थानमा प्रमुख/अध्यक्षमा जीत हासिल गरेको छ भने कांग्रेसले ३१ स्थानमा जितेको छ । यस्तै माओवादी केन्द्रले २२ र एकीकृत समाजवादीले २ स्थानमा जितेका छन् ।

तर २६१ स्थानमा कांग्रेस, १५५ स्थानमा एमाले, १६ स्थानमा एकीकृत समाजवादी, ९८ स्थानमा माओवादी केन्द्र, २६ स्थानमा अन्य, जसपाले २९ स्थानमा र लाेसपाले ११ स्थानमा अग्रता लिएका छन् ।

यस्तै उपप्रमुख/उपाध्यक्षमा कांग्रेसले ४०, एमालेले २९, माओवादी केन्द्रले १४ स्थानमा, एकीकृत समाजवादीले ४ स्थानमा, जसपा १ र अन्यले १ जीत हासिल गरेका छन् । क्रमशः २१३ स्थानमा कांग्रेस, १८८ स्थानमा एमाले, १४ स्थानमा एकीकृत समाजवादी, ११५ स्थानमा माओवादी केन्द्र, २१ स्थानमा अन्य, २० स्थानमा जसपा र लोसपाले ८ स्थानमा अग्रता लिएका छन् ।