गाउँ सहर

भारतका प्रधानमन्त्री नरेन्द्र दामोदरदास मोदीकाे लुम्बिनी भ्रमण, यस्ताे छ तालिका

लुम्बिनी । प्रधानमन्त्री शेरबहादुर देउवाको निमन्त्रणमा भारतका प्रधानमन्त्री नरेन्द्र दामोदरदास मोदी सोमबार लुम्बिनीको भ्रमणमा आउँदै छन् । उनको भ्रमणको सम्पूर्ण तयारी पूरा भएको छ ।  परराष्ट्र मन्त्रालयले भारतका प्रधानमन्त्री मोदीको भ्रमणका लागि सम्पूर्ण आवश्यक तयारी पूरा भएको बताएकाे छ । लुम्बिनी विकास कोषका कोषाध्यक्ष ढुण्डिराज भट्टराई (सिद्धिचरण) का अनुसार पनि सबै तयारी भइसकेको छ ।

लुम्बिनी भ्रमणका क्रममा प्रधानमन्त्री देउवा र भारतका प्रधानमन्त्री मोदीका संयुक्त कार्यक्रम र भेटवार्ता तय भएका छन् । आफ्ना भारतीय समकक्षीको स्वागत गर्न प्रधानमन्त्री देउवा आइतबार नै लुम्बिनी आइपुगेका छन् ।

यस्तो छ माेदीकाे भ्रमण रुट र भेटघाट

लुम्बिनीमा विशेष हेलिकप्टरबाट बिहान १०ः३० बजे उत्रेपछि भारतका प्रधानमन्त्री मोदीले पहिले मायादेवी मन्दिरमा पूजाअर्चना गर्नेछन् । त्यसपछि लुम्बिनी भारत सरकारले अन्तर्राष्ट्रिय बुद्धिष्ट कन्फेडेरेसन (आईबीसी) मार्फत बनाउन लागेको जर्मन स्तूप उत्तर विहारको प्रधानमन्त्री मोदी र देउवाले संयुक्त रूपमा शिलान्यास गर्नेछन् ।

पूजाअर्चनापछि सन् २०१४ मा नेपालमा भारतका लागि तत्कालीन राजदूत रञ्जित रेले मायादेवी मन्दिर परिसरमा (मन्दिरदेखि ३० मिटर पर) वृक्षरोपण गरेको बोधिवृक्षमा जल सिञ्चित गर्ने कार्यक्रम छ । लगत्तै पर्सा चोक, लोखडिया चोक हुँदै नौ नम्बर गेटभित्र रहेको प्लटमा भारतले अन्तर्राष्ट्रिय बुद्धिष्ट कन्फेडेरेसन (आईबीसी) मार्फत निर्माण गर्न लागेको विहारको शिलान्यास समारोहमा सरिक हुनेछन् ।

गाउँ सहर संवाददाता