स्वास्थ्य

थप ८ जनामा कोरोना भाइरस कोभिड - १९ को संक्रमण पुष्टि

• गाउँ सहर संवाददाता
• २६ बैशाख सोमबार, २०७९ | १६:५८:०० मा प्रकाशित

काठमाडाैँ । पछिल्लो २४ घण्टामा देशभर थप ८ जनामा कोरोना भाइरस कोभिड - १९ को संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ३ हजार २ जनामा गरिएको परीक्षणमा ८ जनामा कोरोना संक्रमण पुष्टि भएको हो ।

यस्तै सोही समयमा १७ जना कोरोना संक्रमणबाट मुक्त भएका छन् भने नेपालमा हाल १९० जना संक्रिय संक्रमित रहेका छन् । मन्त्रालयका अनुसार पछिल्लो २४ घण्टामा ३८ हजार ३५९ जनाले कोभिड १९ विरुद्धको खोप लगाएका छन् ।