अर्थतन्त्र

मंगलबार दोहोरो अंकले घट्याे शेयर बजार, काराेबार रकममा पनि आएन् सुधार

• गाउँ सहर संवाददाता
• १३ बैशाख मंगलबार, २०७९ | १५:२२:०० मा प्रकाशित

काठमाडाैं । शेयर बजार साताको कारोबारको तेस्रो दिन मंगलबार दोहोरो अंकले घटेको छ ।  आज नेप्से १५.२ अंकले घटेर दुई हजार ३ सय ७० दशमलब ९९ विन्दुमा पुगेको हो । आज नेप्सेमा एक अर्ब ४ करोड ६० लाख रुपैयाँ बराबरको कारोबार भएको नेप्सेले जनाएकाे छ ।  

आज कारोबार भएका ३५ कम्पनीको शेयरमूल्य बढेको छ भने १५६ कम्पनीकोे शेयरमूल्य घटेको छ । यसमध्ये पनि एक कम्पनीको शेयरमूल्य १० प्रतिशतले बढेको छ । आज जाल्पा सामुदायिक लघुवित्त वित्तीय संस्थाको शेयरमूल्य १० प्रतिशतले बढेर प्रतिकित्ता ९४४.४० रुपैयाँ पुगेको छ । 

नेप्सेका अनुसार आज हिमालयन पावर पार्टनर र मल्टीपर्पोज फाइनान्स कम्पनीका लगानीकर्ताहरुले सर्वाधिक गुमाएका छन् । यसको शेयरमूल्य ५ प्रतिशतले घटेको छ । त्यस्तै, कारोबारको आधारमा आज सबैभन्दा बढी सिद्धार्थ बैंकको भएको छ । यस कम्पनीको आज ४ करोड २१ लाख भन्दा बढीको कारोबार भएको नेप्सेले बताएकाे छ ।