कला

आज विवाह बन्धनमा बाधिँदै अभिनेत्री केकी र रोहित तिवारी

• गाउँ सहर संवाददाता
• ८ बैशाख बिहीबार, २०७९ | १३:५२:०० मा प्रकाशित

काठमाडाैं । अभिनेत्री केकी अधिकारी र प्रेमी रोहित तिवारीबीच बिहीबार परम्पराअनुसार विवाह हुँदैछ । बुधबार उनीहरुको मेहेन्दी उत्सव भएको थियो । तिवारी एक व्यवसायी हुन् ।

अधिकारी निकट स्रोतका अनुसार काठमाडौंको धापासीस्थित ग्रान्डी भिल्ला अपार्टमेन्टमा बिहीबार दिउँसो विवाह कार्यक्रम हुन लागेको जनाएको छ । परिवार र निकट आफन्तको उपस्थितिमा विवाह हुने जनाइएको छ ।

रोहित हाम्रो बजार डटकमका प्रमुख कार्यकारी अधिकृत सीईओ भएकाे र केकी लामो समयदेखि रोहितको प्रेममा रहेको स्राेतले जनाएकाे छ । 

एक वर्षदेखिको प्रेमलाई यी दुईले बिहेमा परिणत गर्न लागेका हुन् ।