गाउँ सहर

अर्थमन्त्रीकाे गाडीले ठक्कर दिँदा एक जनाकाे मृत्यु

• गाउँ सहर संवाददाता
• ७ बैशाख बुधबार, २०७९ | १३:२१:०० मा प्रकाशित

काठमाडाैं । अर्थमन्त्रीकाे गाडीले ठक्कर दिँदा एक जनाकाे ज्यान गएकाे छ । गण्डकीका अर्थमन्त्री रामजी बरालको गाडीले ठक्कर दिँदा पोखरामा एक जनाको मृत्यु भएको हाे ।

अर्थमन्त्री बराल चढ्ने ग १ झ ४४५ नम्बरको गाडीले नयाँ वर्षको दिन ठक्कर दिँदा घाइते भएका तनहुँ एक्लेखेतका मीनबहादुर पाइजाको मृत्यु भएको प्रहरीले जानकारी दिएकाे छ ।पोखरा महानगरपालिका ३२ खुदीमा दुर्घटना भएको थियो । गम्भीर घाइते उनको मनिपाल अस्पतालमा उपचार भैरहेकोमा उपचारकै क्रममा मृत्यु भएको जनाइएकाे छ । 

ग १६ प ५१८१ नम्बरको मोटरसाइकलमा सवार मीनबहादुर र उनको श्रीमती घाइते भएका थिए । उनकी श्रीमतिको भने अवस्था सामान्य छ । गाडी तीब्र गतिमा भएकाले दुर्घटना भएको प्रत्यक्षदर्शीले बताएका छन् ।