सुधारिएन शेयर बजार, काराेबार रकममा पनि गिरावट
- गाउँ सहर संवाददाता
- १४ चैत सोमबार, २०७८ | १५:२७:०० मा प्रकाशित

काठमाडाैं । शेयर बजार साताको कारोबारको दोस्रो दिन सोमबार दोहोरो अंकले घटेको छ । आज नेप्से २९.९८ अंकले घटेर दुई हजार ५ सय ४२ दशमलब २८ विन्दुमा थामिएकाे छ । आइतबार नेप्से ४१.४३ अंकले घटेर दुई हजार ५ सय ७२ दशमलब २३ विन्दुमा रोकिएको थियो ।
आज कारोबार रकममा पनि गिरावट आएको छ । आज २ अर्ब ५४ करोड ५३ लाख रुपैयाँ बराबरको कारोबार भएको नेप्सेले जानकारी दिएकाे छ । आइतबार ४ अर्ब ९८ करोड ९५ लाख रुपैयाँ बराबरको कारोबार भएको थियो ।
नेप्सेका अनुसार आज कारोबार भएका कम्पनीमध्ये २१ कम्पनीको शेयरमूल्य बढेको छ भने १६७ कम्पनीको शेयरमूल्य घटेको छ । यसमध्ये आज दुई कम्पनीको शेयरमूल्यमा उच्च वृद्धि भएको छ । आज राष्ट्र उत्थानको शेयरमूल्य १० प्रतिशतले बढेर प्रतिकित्ता ९९१.५० रुपैयाँ पुगेको छ भने इमर्जिङ नेपालको शेयरमूल्य ९.९९ प्रतिशतले बढेर प्रतिकित्ता ९२०.३० रुपैयाँ पुगेको छ ।
आज आइसीएफसी फाइनान्स कम्पनीका लगानीकर्ताहरुले सर्वाधिक गुमाएका छन् । यी कम्पनीको शेयरमूल्य आज करिब ५ प्रतिशतले घटेको छ । त्यस्तै, कारोबारको आधारमा आज सबैभन्दा बढी जीवन विकास लघुवत्त वित्तीय संस्थाको भएको छ । यस कम्पनीको आज २२ करोड २४ लाख भन्दा बढीको कारोबार भएको नेप्सेले बताएकाे छ ।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- तराईमा 'लू' चल्न थाल्यो
- सांसदहरुले नाराबाजी गरेपछि प्रतिनिधिसभाको बैठक स्थगित
- टी-ट्वान्टी महिला सिरिजमा नेपालकाे जित
- आजकाे प्रतिनिधिसभा बैठकमा बजेटमाथि छलफल हुने कार्यसूची
- सेती जलविद्युत् आयोजना आगामी मङ्सिरभित्रमा सम्पन्न हुने
- भारत भ्रमण विगतका भन्दा परिणाममुखी र कामकाजी भएको छ : प्रधानमन्त्री प्रचण्ड
- नेपालमा धेरै जनसंख्या भएको जाति क्षेत्री र कम नुराङ, हिन्दू धर्म मान्ने ८१ प्रतिशत बढी (विवरणसहित)
- प्रधानमन्त्री प्रचण्ड आज स्वदेश फर्किंदै
- दुर्घटना अपडेट : सुनकोशीमा बेपत्ता तीनको पहिचान खुल्यो
- नक्कली भुटानी शरणार्थी प्रकरण : १५ प्रतिवादीको बयान सकियो, १२ जना अझै फरार
प्रतिकृया दिनुहोस