वातावरण

यस्ताे रहनेछ आजकाे मौसम

• गाउँ सहर संवाददाता
• ३० फाल्गुण सोमबार, २०७८ | ०८:३५:०० मा प्रकाशित

काठमाडाैं । अहिले देशभर मौसम सामान्यतया सफा रहेको छ ।

पहाडी क्षेत्रमा आंशिक बदली भए पनि सोमबार देशभरका अधिकांश क्षेत्रको मौसम सामान्यतया सफा रहने जल तथा मौसम पूर्वानुमान महाशाखाले जनाएको छ ।

बंगलादेश तथा आसपासका क्षेत्रमा निम्न चापीय प्रणाली रहेको र त्यसको आंशिक प्रभाव नेपालमा पनि पर्न सक्ने देखिएको मौसमविदले जनाएका छन् ।

दिउँसो पहाडी भू–भागमा आंशिक बदली र अन्य क्षेत्रमा मौसम सामान्यतया सफा रहने छ। पहाडी भू–भागको एक–दुई स्थानमा मेघगर्जन र चट्याङसहित हल्का वर्षाको सम्भावना छ ।

राति भने देशभर मौसम सामान्यतया सफा रहने छ।