स्वास्थ्य

उपत्यकामा थप २७ जनामा कोरोना संक्रमण

• गाउँ सहर संवाददाता
• २९ फाल्गुण आइतबार, २०७८ | १७:०५:०० मा प्रकाशित

काडमाडाैं । उपत्यकामा पछिल्लाे २४ घण्टामा थप २७ जनामा कोरोना संक्रमण पुष्टि भएको छ मन्त्रालयले जानकारी दिएकाे छ । 

स्वास्थ्य मन्त्रालयका अनुसार  काठमाडौँमा २४ तथा ललितपुरमा ३ जना संक्रमित थपिएका हुन् ।

देशभर पछिल्लो २४ घण्टामा थप ६५ जनामा कोरोना भाइरसको संक्रमण पुष्टि भएको छ ।

पछिल्लो २४ घण्टामा कोरोनाबाट कसैको पनि मृत्यु भएको छैन ।

हालसम्म कोरोनाबाट ११ हजार ९५० जनाले ज्यान गुमाएका छन् । आइतबार १९२ जना कोरोना संक्रमणमुक्त भएको स्वास्थ्य मन्त्रालयले जनाएको छ ।

हालसम्म देशभर ४९१७ जना सक्रिय संक्रमित रहेका छन् । गत चौबीस घन्टामा ६३०६ पीसीआर तथा १ हजार ६४१ एन्टिजेन परीक्षण भएको मन्त्रालयले बताएकाे छ ।