नेपाल बार निर्वाचनका लागि उम्मेद्वार मनोनयन दर्ता आज ,कति ताेकियाे दर्ता शुल्क ?
- गाउँ सहर संवाददाता
- २३ फाल्गुण सोमबार, २०७८ | १०:३५:०० मा प्रकाशित
काठमाडाैं । नेपाल बार एसोसिएसनको निर्वाचनका लागि साेमबार उम्मेद्वारी दर्ता गर्ने कार्य तालिका रहेको छ । चैत १९ मा हुने निर्वाचनमा आज दिउँसो ११ बजेदेखि ३ बजेसम्म उम्मेद्वार मनोनयनको कार्य तालिका रहेको छ ।
उम्मेदवारको पहिलो नामावली आजै प्रकाशन गर्ने र दाबी विरोध भोलि दिउँसो २ बजेसम्म तोकिएको छ । उम्मेद्वारको अन्तिम नामावली फागुन २५ गते प्रकाशन गर्ने बारले जानकारी दिएकाे छ । निर्वाचनका लागि देशभर ३५ मतदान केन्द्र तोकिएको छ ।
बारमा एक अध्यक्ष, ८ उपाध्यक्ष एक महासचिव, एक कोषाध्यक्ष र १४ सदस्य छनोटको पदाधिकारी हुने व्यवस्था रहेको छ । चण्डेश्वर श्रेष्ठ नेतृत्वको समितिको तीन वर्षे कार्यकाल सकिएसँगै नयाँ नेतृत्वका लागि निर्वाचन हुन लागेको हो ।
बारको अध्यक्षमा उम्मेद्वारी दिन ५० हजार रुपैयाँ शुल्क तोकिएको छ । यसैगरी, उपाध्यक्ष, महासचिव र कोषाध्यक्ष पदका लागि ३५ हजार र सदस्यका लागि २५ हजार रुपैयाँ मनोनयन शुल्क तोकेको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस