रुस–युक्रेन युद्ध : दुईहजार ८७० युक्रेनी र ४९८ रुसी सेना मारिए, ५७२ युक्रेनी सेनालाई बन्धक बनाइयाे
- गाउँ सहर संवाददाता
- १९ फाल्गुण बिहीबार, २०७८ | ११:३६:०० मा प्रकाशित
काठमाडाैं । रुस–युक्रेनमा युद्धमा ४९८ रुसी सेना मारिएको रुसी रक्षा मन्त्रालयले पुष्टि गरेको छ ।
युक्रेन आक्रमणको आठौं दिनसम्म युक्रेनमा हमला गर्न गएका एकहजार ५९७ जना रुसी सेना घाइते भएको प्रारम्भिक रिपोर्ट सार्वजनिक गरिएको छ ।
रक्षामन्त्री इगोर कोनासेन्कोभले रुसी सेनालाई गुमराहमा राख्न नियोजित ढंगले युक्रेनले अस्वाभाविक रिपोर्ट सार्वजनिक गरेको भन्दै सो रिपोर्ट अस्विकार गरे ।
यता, युक्रेनले आक्रमणमा आएका धेरै रुसी सेनाको ज्यान गएको बताएको थियो भने मस्कोले हताहति भएको स्विकार गरे पनि संख्या नबताएको अलजजिराले उल्लेख गरेको छ ।
प्रवक्ताका अनुसार दुईहजार ८७० युक्रेनी सेनाको ज्यान गएको र तीनहजार सातसय घाइते भएको जनाएको छ । यस्तै, ५७२ युक्रेनी सेनालाई बन्धक बनाएको छ ।
सोही विषयमा युक्रेनी अधिकारीले रुसी दाबीबारे कुनै प्रतिक्रिया नजाएका कारण स्वतन्त्र पुष्टि भएको छैन ।
उता, युक्रेनी राज्य आपतकालिन सेवाले दुईहजार भन्दा बढी सर्वसाधारण युक्रेनी जनता रुसी आक्रमणमा मारिएको दाबी गरे पनि पुष्टि हुन बाँकी रहेकाे जनाइएकाे छ ।
संयुक्त राष्ट्र संघको मानवअधिकार आयोगले १३ बालबालिकासहित १३६ जना सर्वसाधारण युक्रेनी जनता मारिएको प्रतिवेदन सार्वजनिक गरेको हाे ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- प्रधानमन्त्रीसँग सांसदहरूको सवाल-जवाफ (लाइभ)
- फेरिए ११ जिल्लाका सीडीओ, अध्यागमन विभागको महानिर्देशकमा निरौला
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
प्रतिकृया दिनुहोस