संसद् बैठक निर्धारित समय भन्दा ढिला, दलहरु आन्तरिक छलफलमा
- गाउँ सहर संवाददाता
- १५ फाल्गुण आइतबार, २०७८ | १४:२३:०० मा प्रकाशित
काठमाडाैं । आज दिउँसो १ बजेका लागि तोकिएको प्रतिनिधिसभाको बैठक निर्धारित समय भन्दा ढिला भएको छ । सङ्घीय संसद् सचिवालयका प्रवक्ता डा. रोजनाथ पाण्डेका अनुसार बैठक एक घण्टाका लागि सारिएको छ । दिउँसो १ बजेका लागि तोकिएको बैठक २ बजेका लागि सारिएको हो ।
सभामुख अग्निप्रसाद सापकोटाका प्रेस सल्लाहकार श्रीधर न्यौपानेका अनुसार दलहरु आन्तरिक छलफलमा व्यस्त हुँदा दिउँसो साढे १ बजेसम्म कार्यव्यवस्था समिति बैठक बस्न सकेको छैन ।
अमेरिकी विकास सहयोग परियोजना मिलेनियम च्यालेन्ज कर्पोरेशन (एमसीसी) माथि छलफल हुने सम्भावित कार्यसूची यसअघि नै सार्वजनिक भएको थियो ।
सत्ता गठबन्धनमा सहभागी दलले एमसीसीको अनुमोदनका लागि व्याख्यात्मक प्रस्तावमा सहमति जनाएपछि त्यसको तयारीमा भइराखेको छ । सत्ता गठबन्धनका सबै दल छलफलमा व्यस्त हुँदा बैठक ढिला हुने भएको हो ।
व्याख्यात्मक टिप्पणीसहित एमसीसी अनुमोदन गर्ने निर्णयलाई औपचारिकता दिन नेकपा (माओवादी केन्द्र) संसदीय दल र नेकपा (एकीकृत समाजवादीको स्थायी कमिटी बैठक जारी छ ।
सत्ता गठबन्धनका दलले एमसीसीको विषयमा औपचारिक निर्णय गरेपछि मात्र कार्यव्यवस्था समिति बैठक बस्नेछ । त्यसपछि संसद् बैठक आरम्भ हुने सभामुखका प्रेस सल्लाहकार न्यौपानेले जानकारी दिएका छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- खेलकुद महोत्सव औपचारिक समापन शुक्रबार
- बडस्, ज्ञान ज्योति, के एम ए र नेशनल क्रियशन भलिबलको फाइनलमा
- आठ निर्माण व्यवसायी र आपूर्तिकर्ता कम्पनीलाई दोस्रोपटक स्पष्टीकरण माग
- चलखेल भएको भन्दै राष्ट्रिय स्वतन्त्र पार्टीको केन्द्रीय कार्यालयमा धर्ना
- अटो मोवाइल्स व्यवसायीहरुकाे प्रदर्शन : माइतीघर मण्डलामा राष्ट्र बैंकको विरोध
- दोलखाबाट बैंकिङ कसुर मुद्दाका फरार प्रतिवादी पक्राउ
- सुनचाँदी बजारमा आज छापावाल सुनको मूल्य कति ?
- शुक्रबार दिउँसो १ बजेका लागि एमालेले सचिवालय बैठक बोलायाे
- कति छ त राष्ट्र बैंकले बिहीबार सार्वजनिक गरेको विदेशी विनिमय दरभाउ ?
- नवलपुरमा सवारी दुर्घटना हुँदा १७ जना घाइते
प्रतिकृया दिनुहोस