गाउँ सहर

माइक्रोबस र मोटरसाइकल ठाेकिँदा चालकको मृत्यु

• गाउँ सहर संवाददाता
• १३ फाल्गुण शुक्रबार, २०७८ | ११:३१:०० मा प्रकाशित

काठमाण्डौं । माेटरसाइकल र माइक्राे बस ठोक्किदा एक जनाको मृत्यु भएको छ । काठमाडाैंकाे चन्द्रागिरी नगरपालिका–७ स्थित सडक छेउमा रोकी राखेको माइक्रो बसमा बिहीबार राति मोटरसाइकल ठोक्किदा एक जनाको मृत्यु भएको हाे । 

मृत्यु हुनेमा मोटरसाइकल चालक २६ बर्षीय आकाश रानाभाट रहेका छन् । गम्भीर घाइते भएका उनको उपचारको क्रममा कलंकी स्थित शहीद मेमोरियल अस्पतालमा राती साढे ११ बजे मृत्यु भएको प्रहरीले जानकारी दिएकाे छ । 

चेकपोष्टबाट चन्द्रागिरी जाँदै गरेको प्रदेश ३, ०२, ०११ प २९१९ नम्बरको मोटरसाइकल अनियन्त्रित भई सडक छेउमा रोकी राखेको बा २ ख ७०४९ नम्बरको माइक्रो बसमा ठोकिएको प्रहरीले जनाएकाे छ । 

दुर्घटनामा संलग्न मोटरसाइकल र माइक्रो बसका चालकलाई थानकोट प्रहरीले  नियन्त्रणमा लिएको छ ।

घटनाका सम्बन्धमा प्रहरीले थप अनुसन्धान गरिरहेकाे बताएकाे छ ।