गाउँ सहर

बानेश्वर सडकखण्डमा चल्ने सवारीसाधन ड्राइभर्सन , यी स्थानमा जान निषेध

• गाउँ सहर संवाददाता
• १२ फाल्गुण बिहीबार, २०७८ | १३:४५:०० मा प्रकाशित

काठमाडौँ  । उपत्यकामा चल्ने सवारी साधनलाइ ड्राइभर्सन गरीएको छ । उपत्यका  भद्रकाली, माइतिघर, बानेश्वर, तीनकुने हुँदै गुड्ने सवारी साधन डाइभर्ट गरिएको हाे । तिनुकने बानेश्वर भएर चल्ने सवारी साधनलाई विभिन्न स्थानबाट ड्राइभर्सन गरिएको ट्राफिक प्रहरीले जानकारी दिएकाे छ ।

तिनकुनेबाट नयाँबनेश्वरतर्फ आउने सबै सवारी साधनलाई तिनकुनेबाट नै ड्राइभर्सन गरीएको प्रहरीले जनाएकाे छ । भद्रकाली–सिंहदरबार–माइतिघर हुदै बानेश्वरतर्फ जाने सवारी साधनलाई भद्रकालीबाटै ड्राइभर्सन गरी त्रिपुरेश्वर, थापाथली हुँदै पठाइएको ट्राफिक प्रहरीले बताएको छ ।

पद्मोदय मोडबाट पनि हनुमानथान हुँदै थापागाउँ जाने ठूला तथा तिनपाङग्रे सवारी साधनलाई पद्मोदय मोडबाटै ड्राइभर्सन गरिएको छ । एमसीसीको विरोधमा विभिन्न दलका कार्यकताले प्रर्दशन गरेपछि उक्त सडक खण्डको आवागमन डाइभर्ट गरिएको प्रहरीले बताएकाे छ ।