राजनीति

गृहमन्त्री खाँणलाई ओलीकाे सन्देश : एमसीसीका विषयमा हामी स्पष्ट छाैं , पहिला एमालेलाई न्याय दिनुहाेस्

• गाउँ सहर संवाददाता
• ११ फाल्गुण बुधबार, २०७८ | १२:२७:०० मा प्रकाशित

काठमाडाैं । नेकपा एमालेका अध्यक्ष केपी शर्मा ओलीले गृहमन्त्री बालकृष्ण खाँणलाई एमसीसीको विषयमा एमाले स्पष्ट रहेको सन्देश दिएका छन् ।

एमसीसीमा एमालेको समर्थन जुटाउन ओलीलाई भेट्न आज विहान बालकोट पुगेका खाँणलाई ओलीले सो सन्देश दिएका हुन् ।

एमाले अध्यक्ष ओलीका सञ्चार सहयोगी रामशरण बजगाँईले भने ‘गृहमन्त्रीज्यूले एमसीसी संसदबाट अनुमोदन गर्न सहयोग माग गर्नुभयो,।’  ‘अध्यक्षज्युले एमसीसीका विषयमा एमाले स्पष्ट रहेको तर एमसीसी प्रक्रियामा सहभागी हुन पहिला एमालेलाई न्याय दिनुपर्ने बताउनुभयो ।’

प्रतिनिधिसभाको भाेलि बस्ने बैठकमा एमसीसीबारे बहस हुँदैछ र भाेलि नै अनुमोदन गर्ने तयारी गरिएको छ ।

सत्तारुढ पाँच दलमध्ये एमसीसी अनुमोदन गर्ने पक्षमा नेपाली कांग्रेस मात्र रहेको छ । बाँकी नेकपा (माओवादी केन्द्र), नेकपा (एकीकृत समाजवादी्), जनता समाजवादी पार्टी, नेपाल र राष्ट्रिय जनमोर्चाले संशोधन नगरी एमसीसी पास गर्न नसकिने बताएका छन् ।