अर्थतन्त्र

माछापुच्छ्रे बैंकका थापा, न्याैपाने र अर्यालकाे बढुवा

• गाउँ सहर संवाददाता
• ७ फाल्गुण शनिबार, २०७८ | १८:२९:०० मा प्रकाशित

काठमाडाैँ । माछापुच्छ्रे बैंकले हालै बैंकको विभिन्न पदमा तीन जनाकाे बढुवा गरेकाे छ । यसरी बढुवा हुनेमा नायव प्रमुख कार्यकारी अधिकृत पदमा सर्जुकुमार थापा र विश्वम्भर न्यौपाने तथा नायव महाप्रवन्धकमा प्रसिद्धराज अर्याल रहेका छन् ।

नायव प्रमुख कार्यकारी अधिकृत पदमा बढुवा भएका सर्जुकुमार थापा र विश्वम्भर न्यौपाने दुवै जनाले दुई दशकदेखि बैंकिङ क्षेत्रमा आवद्ध छन् ।

माछापुच्छ्रे बैंकमै लामो समय उच्च व्यवस्थापन तहमा रही कुशल नेतृत्व, व्यवस्थापकीय दक्षता भएका थापा बहुबैंकिङ व्यवसाय र न्यौपाने सञ्चालन तथा जोखिम व्यवस्थापनमा अब्बल मानिन्छन् ।

त्यस्तै नायव महाप्रवन्धक पदमा बढुवा भएका अर्यालले पनि बैंकिङ क्षेत्रमा करिब दुई दशकजतिको अनुभव सगालेको बैंकले जनाएको छ । अर्यालसँग क्रेडिट व्यवसाय, ट्रेजरी, ब्रान्च अपरेसन, माइक्रो फाइनान्सलगायतका क्षेत्रमा काम गरेको राम्रो अनुभव छ ।