प्रविधि

बालाजुको लोलङ हाईटमा डिशहोम फाईवरनेटको सह–वितरण सोरुम

• गाउँ सहर संवाददाता
• २४ माघ सोमबार, २०७८ | ११:१७:०० मा प्रकाशित

काठमाडाैं । नेपालभर ईन्टरनेटरनेट सेवा विस्तार गरिरहेको डिशहोम फाईवरनेटले काठमाडाैं बालाजुको लोलङ हाईटमा पनि सह–वितरण सोरुमको शुभारम्भ गरेको छ ।

माघ २३ देखि डिशहोम फाईवरनेट बिक्री तथा बिक्री पछिको सेवा प्रदान गर्न सुरु गरिएको सो सोरुमको संचालन बालाजु ईलेक्ट्रक ट्रडर्सले गर्नेछ ।

सोरुम उद्घाटन डिशहोमका तर्फबाट नेशनल सेल्स म्यानेजर मनोज शर्मा, एरिया सेल्स म्यानेजर उज्वल न्यौपाने र सेल्स अफिसर राम सुन्दर सिलाकर र रविन थापा को उपस्थितिमा सम्पन्न भएको थियो ।

विगत लामो समयदेखि डिशमिडिया नेटवर्कसँग सहकार्य गरि डिशहोमको डिटिएच सेवा ग्राहकहरुमाझ पुर्‍याउँदै आएको बालाजु ईलेक्ट्रक ट्रडर्सले अब डिशहोम फाईवरनेट बिक्री र बिक्री पछिको सेवा नयाँ सोरुम मार्फत दिनेछ । 

एक हजार भन्दा धेरै ग्राहकलाई डिशहोम फाईवरनेटको सेवा उपलब्ध गराईसकेको बालाजु ईलेक्ट्रक ट्रडर्सले अब अझ बढी ग्राहकहरुको माझ पुग्नको लागि पनि यस नयाँ सोरुमले मद्दत गर्ने बालाजु ईलेक्ट्रक ट्रडर्सका संचालक मानव श्रेष्ठले जानकारी दिए ।