वातावरण

साप्ताहिक कृषि-मौसम पूर्वानुमानः सुरूमा बदली - अन्त्यमा प्रदेश १, बागमती र गण्डकी प्रदेशमा हल्का देखि मध्यम वर्षा

काठमाडाैँ । जल तथा माैसम विज्ञान विभागले २०७८ माघ २१ गते शुक्रबारदेखि २०७८ माघ २७ गते बिहीबारसम्म साताको मौसम सार्वजनिक गरेकाे छ । उसका अनुसार आगामी साता पश्चिमी वायूको सक्रिय प्रभावका कारण साताको शूरुका दिनहरुमा सामान्य देखि पूर्ण बदली रहने सम्भावना छ भने मध्य र अन्तमा देशका अधिकांश भागमा आंशिक बदली रहने सम्भावना रहेको छ ।

साताको शुरुमा देशका धेरै जसो स्थानमा र अन्त्यमा प्रदेश १, बागमती र गण्डकी प्रदेशमा हल्का देखि मध्यम वर्षाको सम्भावना रहेको छ । साताको शुरु र अन्त्यमा उच्च पहाडी हिमाली भू-भागका धेरै स्थानहरुमा हल्का / मध्यम हिमपातको सम्भावना छ ।

साताको मध्य र अन्तमा विहानीपख देशका तराई भू-भागमा हुस्सु/कुहिरो लाग्ने सम्भावना रहेको छ । साताको शुरुमा तापक्रममा उल्लेखनिय परिवर्तन नदेखिए पनि मध्य र अन्तमा अधिकतम तापक्रम र न्युनतम तापक्रम हल्का घट्ने देखिन्छ ।

गाउँ सहर संवाददाता

तपाईँको मत