स्वास्थ्य

काठमाडौं उपत्यकामा मात्रै सक्रिय संक्रमितको संख्या ५६ हजार ८८२

• गाउँ सहर संवाददाता
• ११ माघ मंगलबार, २०७८ | १६:५१:०० मा प्रकाशित

काठमाडाैं । काठमाडौं उपत्यकामा सक्रिय संक्रमितको संख्या ५६ हजार ८८२ पुगेको छ ।

मंगलबार काठमाडौं उपत्यकामा ६ हजार १७२ जना कोभिड संक्रमित थपिएसँगै याे सख्या पुगेकाे हाे ।

आज  काठमाडौंमा ४ हजार ८७५, भक्तपुरमा ५१५ र ललितपुरमा ७८२ जना संक्रमित थपिएका हुन् ।

पछिल्लो २४ घण्टामा १२ हजार ८ जना कोभिड १९ संक्रमित थपिएका छन् । २५ हजार ९०९ नमुनामा परीक्षण गर्दा १२ हजार ८ जनामा संक्रमण पुष्टि भएको हो । एकैदिन थपिएको संक्रमितको यो संख्या अहिलेसम्मकै उच्च हो ।  

आज ३ हजार ४० जना संक्रमणमुक्त भएका छन् ।

योसँगै देशभर सक्रिय संक्रमितको संख्या ८८ हजार ९३४ पुगेको छ ।

आज ८ जनाको संक्रमणका कारण मृत्यु भएको छ । योसँगै कोभिड १९ का कारण मृत्यु हुनेको संख्या ११ हजार ६६७ पुगेको स्वास्थ्य तथा जनसंख्या मन्त्रालयले जनाएको छ ।

देशभर आज ८७ हजार ११७ जना होम आइसोलेसनमा र १ हजार ८१७ जना संस्थागत आइसोलेसनमा रहेका छन् । तीमध्ये २४५ जना आईसीयूमा र ४४ जना भेन्टिलेटरमा रहेको मन्त्रालयले जनाएको छ ।