गाउँ सहर

भेरोसेल र जोन्सन खोप लगाएकालाई भिसा नदिने

• गाउँ सहर संवाददाता
• ५ माघ बुधबार, २०७८ | १३:५१:०० मा प्रकाशित

काठमाडाैं ।  भेरोसेल र जोन्सन खोप लगाएकालाई भिसा नपाउने भएका छन् । नेपालस्थित जर्मनी दूतावासले माघ ७ गतेदेखि कोभिड-१९ विरुद्धको खोप लगाएकालाई मात्र भिसा अप्वाइन्टेमन्ट दिन सक्ने जनाएको छ ।

आज विज्ञप्ति जारी गर्दै दूतावासले खोपको वर्गीकरण समेत गरेको छ । जर्मनी र युरोपेली मुलुक जान चाहने नेपालीले जर्मनी दूतावासबाट भिसा लिन चाहेमा कोभिसिल्ड, अस्ट्राजेनेका, मोर्डना र बायोएनटेक खोप लगाएको प्रमाण पेश गर्नुपर्नेछ ।

चिनियाँ खोपहरु सिनोफार्म, भेरोसेल र अमेरिकी खोप जोन्सन एन्ड जोन्सन लगाएकालाई भिसा आवेदन प्रक्रियामा सामेल गर्न नसकिने दूतावासले जनाएको छ । जर्मनीको पछिल्लो खोप नीतिले यी तीन खोप लगाएकालाई पनि ‘खोप नलगाएकै सरह व्यवहार गरिने’ उल्लेख गरेको छ ।

जर्मनी दूतावासले नेपाललाई कोरोनाको उच्च जोखिमको सूचीबाट हटाएको समेत जनाएको छ ।