स्वास्थ्य

कोभिड-१९ विरुद्धको खोप कार्ड हराएमा के गर्ने ?

• गाउँ सहर संवाददाता
• ५ माघ बुधबार, २०७८ | १२:०८:०० मा प्रकाशित

काठमाडौँ । कोभिड-१९ विरुद्धको खोप कार्ड हराएमा के भन्ने प्रश्नकाे स्वास्थ्य तथा जनसंख्या मन्त्रालयले उत्तर दिएको छ ।

उसका अनुसार - यदि तपाईंले खोप लगाइसक्नुभएको छ तर कार्ड हराएको छ भने निम्नानुसार खोप कार्डको प्रतिलिपि लिनुहोला ।

1. दुबै मात्रा खोप लगाइसकेको भए दोस्रो मात्रा लगाएको खोप केन्द्र वा खोप लगाएको स्वास्थ्य भएको पालिकाको स्वास्थ्य शाखाबाट लिने ।
2. जोन्सन एण्ड जोन्सन खोप लगाएको भए सोही केन्द्र वा खोप लगाएको स्वास्थ्य संस्था भएको पालिकाको स्वास्थ्य शाखाबाट लिने ।
3. पहिलो मात्रा खोप लगाएकाले खोप लगाएकै केन्द्र वा खोप लगाएको स्वास्थ्य संस्था भएको पालिकाको स्वास्थ्य शाखाबाट लिने ।

मन्त्रालयले भनेको छ, ‘बढ्दो कोरोना संक्रमणका कारण नेपाल सरकारले २०७८ माघ ७ गतेदेखि सार्वजनिक स्थल प्रवेश गर्न र सेवा लिन जाँदा खोप कार्ड अनिवार्य गरेको छ ।’