स्वास्थ्य

काेभिड संक्रमितले काठमाडाैंका अस्पताल भरिभराउ, पछिल्लाे एक हप्तामा कति प्रतिशतले बढ्याे काेराेना ? (तथ्यांकसहित हेर्नुहाेस्)

काठमाडाैं । काेराेना संक्रमणका कारणा काठमाडाैंका प्राय अस्पतालहरू भरिभराउ भएका छन् । मुलुकभर हिजाे मात्र ३ हजार ७५ जना कोरोना संक्रमित भेटिएका छन् । उक्त संख्या देशमा ओमिक्रोन पुष्टि भएपछिकाे सबैभन्दा बढी हो । 

बुधबारसम्म नेपालमा कोरोना संक्रमितको संख्या ८ लाख ३८ हजार ३७५ पुगेको स्वास्थ्य मन्त्रालयले जनाएकाे छ ।

गत एक हप्ता अघिदेखि नेपालमा काेरोना संक्रमितको संख्या ह्वात्तै बढ्न थालेको स्वास्थ्य तथा जनसंख्या मन्त्रालयको तथ्यांकले देखाएकाे छ । पुस १ गते ११ हजार १८ जनाको पीसीआर परीक्षण गर्दा १८४ जनामा कोरोना भेटिएको थियो । संक्रमणदर १.६७ प्रतिशत मात्र थियो । 

उक्त संख्या बढ्दै गएर एक हस्ता अगाडिदेिखि बढ्दै गएर पुस २२ गते १० हजार २६७ जनाको पीसीआर गर्दा ४३५ जनामा संक्रमण पुष्टि भएको थियो । संक्रमणदर पनि ४.२४ प्रतिशत थियो।  अहिले यो संख्या चार गुणाले बढ्दै नेपालमा कोरोना संक्रमणदर २३.५९ प्रतिशत पुगेको मन्त्रालयकाे तथ्यांकमा उल्लेख छ । 

हाल दैनिक २ हजारभन्दा माथि संक्रमित भेटिन थालेका छन् । 

बुधबार भेटिएका ३ हजार ७५ संक्रमितमध्ये १ हजार ५३८ काठमाडौं उपत्यकाका छन् । काठमाडौंमा १ हजार १६८ ललितपुरमा २३६ र भक्तपुरमा १३४ संक्रमित भेटिएको मन्त्रालयले जनाएको छ । 

मंगलबार २ हजार ४४४ संक्रमित भेटिदा काठमाडौं उपत्यकामा मात्र १ हजार २८६, सोमबार कुल संक्रमित १ हजार ४४६ मध्ये ८७६, आइतबार १ हजार १६७ मध्ये ६१५ र शनिबार ९४४ मध्ये ४८१ संक्रमित उपत्यकाका थिए । 

पुस महिनाकाे पछिल्लाे एक हप्ताकाे काेराेना तथ्यांक यस्ताे छ :

गते जम्मा परीक्षण पोजिटिभ मृत्यु  संक्रमणदर प्रतिशतमा
22 १२०९९ ५४० ४.२६
23 १४९७१ ९६८ ६.४७
24 १३२६४ ९४४ ७.१२
25 १२६३२ ११६७ ९.२४
26 ११४२९ १४४६ १२.६५
27 १५०३३ २४४४ १६.२६
28 १३०३६ ३०७५ २३.५९

 

 

 

गाउँ सहर संवाददाता

तपाईँको मत