गाउँ सहर

डा. प्रेमध्वज लामाद्वारा उपप्राध्यापकबाट राजीनामा, कांग्रेस सिन्धुपाल्चोक सभापतिकाे दाबेदार

काठमाडौं । त्रिभुवन विश्वविद्यालयका उपप्राध्यापक डा. प्रेमध्वज लामाले राजीनामा दिएका छन् । कांग्रेस सिन्धुपाल्चोकको जिल्ला सभापति पदमा चुनाव लड्नका लागि त्रिभुवन विश्वविद्यालयका उपप्राध्यापक डा. लामा राजीनामा दिएका हुन् । उनले पदबाट राजीनामा दिएको शुक्रबार त्रिविको नेपाली इतिहास संस्कृति तथा पुरातत्व विभागले पुष्टि गरेको छ ।

नेपाली कांग्रेसको १४औं महाधिवेशनमा सिन्धुपाल्चोकबाट प्रतिनिधि निर्वाचित भएलगत्तै उनले उपप्राध्यापकबाट राजीनामा दिएका थिए । तर, उनको राजीनामा स्वीकृत भएको थिएन । नेपाली इतिहास, संस्कृति तथा पुरातत्व केन्द्रीय विभागमा कार्यरत लामाले राजीनामा बुझाएका मुख्य कार्याल्य सहायक ईन्द्रकुमारी महर्जनले बताइन् ।

हालै मात्र उनले विद्यावारिधी उपाधि हासिल गरेका हुन्। उनले आगामी २७ पुसमा हुने कांग्रेस सिन्धुपाल्चोकको सभापतिका उम्मेदवारी दिने भएका छन् ।

लामा पार्टी सभापति शेरबहादुर देउवा निकट नेता हुन् । विद्यार्थी राजनीतिबाट शिक्षण पेसामा प्रवेश गरेका लामा फेरि पार्टी राजनीतिमा लागेका छन् ।

गाउँ सहर संवाददाता