स्वास्थ्य

डब्लूएचओको चेतावनी : नयाँ भेरियन्ट ओमिक्रोनले संक्रमितमा सुनामी ल्याउँदै छ

• गाउँ सहर संवाददाता
• १५ पौष बिहीबार, २०७८ | १३:३३:०० मा प्रकाशित

काठमाडाैं । कोभिड–१९ को नयाँ भेरियन्ट ओमिक्रोन र डेल्टा भेरियन्टका कारण संक्रमितको सुनामी ल्याउने विश्व स्वास्थ्य संगठन (डब्लूएचओ)ले चेतावनी दिएको छ । युरोप र अमेरिकामा कोभिड संक्रमितको संख्या तीव्र गतिमा बढिरहँदा डब्लूएचओका प्रमुख डा. टेड्रोस एड्हानोम गेहब्रेयससले यस्तो बताएका हुन् ।

‘स्वास्थ्य प्रणालीहरू काम गर्न नसक्ने अवस्था पुगेका छन् भने स्वास्थ्यकर्मीमा चाप थपेको छ, कोभिडका नयाँ संक्रमणले संक्रमितको सुनामी ल्याउने छ,’ डा. गेहब्रेयससले बताए ।

डब्लूएचओका अनुसार विश्वभर दैनिक नौ लाखभन्दा बढी संक्रमित थपिएका छन् । संक्रमण फैलिएसँगै बुस्टर डोज दिन सुरु गरेका छन् । युरोपियन देशमा भने लकडाउन र नयाँ प्रतिबन्धहरु घोषणा गरिएका छन् ।

फ्रान्स र बेलायतमा अप्रत्यासित दैनिक संक्रमितको संख्या बढिरहेको छ । छिमेकी मुलुक भारतको राजधानी नयाँ दिल्लीलगायत केही राज्यमा रात्री कालीन बन्दको घोषणा गरिएका छन् ।