अर्थतन्त्र

शेयर काराेबार रकम तीन अर्बमा झर्‍यो, नेप्सेमा पनि सामान्य अंककाे गिरावट

• गाउँ सहर संवाददाता
• १३ पौष मंगलबार, २०७८ | १४:५३:०० मा प्रकाशित

काठमाडौं । नेप्सेमा साताको तेस्रो दिन मंगलबार सामान्य अंकको गिरावट आएको छ । आज नेप्से २.६६ अंकले घटेर दुई हजार पाँच सय १८ दशमलब ९९ विन्दुमा पुगेको हो । त्यस्तै, कोरोबार रकममा भने घटेको छ । आज ३ अर्ब १२ करोड ५५ लाख बराबरको कारोबार भएको नेप्सेले जनाएकाे  छ ।

नेप्सेका अनुसार आज एक कम्पनीको शेयरमूल्यमा उच्च वृद्धि भएको छ । शेयरमूल्यमा उच्च वृद्धि हुने कम्पनीमा भोटेकोशी जलविद्युत कम्पनी रहेको छ  । यो कम्पनीको शेयरमूल्य आज सर्किट लेभलमा बढेका छ । 

आज गोर्खाज फाइनान्सको शेयरमूल्यमा सर्वाधिक गिरावट आएको छ । आज याे कम्पनीको शेयरमूल्य ९ प्रतिशत भन्दा बढीले घटेको छ । यस्तै, कारोबारको आधारमा आज सबैभन्दा बढी कारोबार हिमालयन डिष्ट्रिलरी रहेको छ ।  यस कम्पनीको आज २६ करोड ४९ लाख भन्दा बढीको कारोबार भएको नेप्सेले बताएकाे छ ।