गाउँ सहर

रामेछापबाट सालकको खपटासहित दुई जना प्रहरी नियन्त्रणमा

काठमाडौँ । प्रहरीले सालककाे खपटासिहत दुई जनालाइ नियन्त्रणमा लिएकाे छ । उनीहरूलाइ रामेछापको मन्थलीबाट नियन्त्रणमा लिइएकाे हाे । पक्राउ पर्नेमा मन्थली–४ च्याउकेठाँटीका २६ वर्षीय मनोज थापा र २१ वर्षीय अशोक थापा रहेको प्रहरीले जानकारी दिएकाे छ ।

घर खानतलासी गर्दा उनीहरूको साथबाट ३ सय ६६ ग्राम दुर्लव बन्यजन्तु सालकको खपटा भेटिएको रामेछाप जिल्ला प्रहरी कार्यालयले जनाएको छ । उनीहरूले बेच्नका लागि खपटा घरमा लुकाएर राखेका थिए ।

यस सम्बन्धमा थप अनुसन्धान र आरोपीहरुलाई आवश्यक कारबाहीका लागि प्रहरीले चिसापानी सबडिभिजन बन कार्यालय मन्थलीमा बुझाएको बताएकाे छ ।

गाउँ सहर संवाददाता