गाउँ सहर

भारतमा बेचिएका दुईजना नेपाली किशोरीकाे उद्दार

काठमाडाैं । दुई वर्षअघि भारतमा बेचिएका दुईजना नेपाली किशोरी र उनीहरुका बालबालिकालाई जिल्ला प्रहरी कार्यालय पर्साले उद्दार गरेको छ । माइती नेपाल र भारतीय प्रहरीसँग समन्वय गरेर बिहारबाट १८ र १९ वर्षीया किशोरीलाई उद्दार गरिएको जिप्रका पर्साका प्रवक्ता (डिएसपी) ओम प्रकाश खनालले जानकारी दिएका छन् ।

विवाह र पार्टीमा देखाइने नाच ‘अर्केष्टा’मा काम लगाउने भनेर उनीहरुलाई मानव तस्करले दुई वर्षअघि झापाबाट भारत लगेका थिए । १८ वर्षीया किशोरीको साढे २ वर्षका छोरा र १९ बर्षकी किशेरीकाे साढे ३ वर्षीया छोरीलाई पनि उद्दार गरिएको डिएसपी खनालले बताए । 

भारतको बिहार स्थित छौंडादानोमा कोठामा मोवाइल प्रयोग गर्न नदिएर राखेको अवस्थामा उनीहरुलाई मुद्दा गरेर वीरगञ्ज ल्याइएको छ । उनिहरुलाई बेच्ने व्यक्तिहरुको खोजी भइरहेको डिएसपी खनालले  बताएका छन् ।

गाउँ सहर संवाददाता