अर्थतन्त्र

बुधबार सुनचाँदीको मूल्य बढ्याे, कतिमा हुँदैछ काराेबार ?

• गाउँ सहर संवाददाता
• २२ मङ्सिर बुधबार, २०७८ | १२:१९:०० मा प्रकाशित

काठमाडाैं । बुधबार नेपाली बजारमा सुनचाँदीको मूल्य बढेको छ ।  मंगलबारको तुलनामा बुधबार सुन तोलामा ५०० रुपैयाँ र चाँदी १० रुपैयाँले बढेको नेपाल सुनचाँदी व्यवसायी महासंघले जनाएकाे छ ।

महासंघका अनुसार बुधबारका लागि छापावाला सुनको मूल्य तोलाको ९२ हजार ३०० रुपैयाँ, तेजावी सुनको मूल्य ९१ हजार ८०० रुपैयाँ र चाँदीको मूल्य प्रतितोला १ हजार २०० रुपैयाँ कायम गरिएको छ ।

मंगलबार छापावाला सुन प्रतितोला ९१ हजार ८०० रुपैयाँ, तेजावी सुन ९१ हजार ३०० रुपैयाँ र चाँदी तोलामा १ हजार १९० रुपैयाँमा कारोबार भएको थियो ।

साथै मंगलबार सुन प्रतितोला २०० रुपैयाँ र चाँदी १० रुपैयाँले घटेर कारोबार भएको थियो ।