स्वास्थ्य

ओमिक्रोन देखिएका दुवैजना निको भए

• गाउँ सहर संवाददाता
• २२ मङ्सिर बुधबार, २०७८ | ०८:१२:०० मा प्रकाशित

काठमाडौं । नेपालमा देखिएको कोरोना ओमिक्रोन भेरियन्टका दुवैजना संक्रमणमुक्त भएका छन् । स्वास्थ्य मन्त्रालयले दिएको जानकारीअनुसार उनीहरु दुवैजना संक्रमणमुक्त भएका छन् ।

दुवैजनाको रिपोर्ट मंगलबार नेगेटिभ आएको छ ।

मन्त्रालयले यसअघि सोमबार पत्रकार सम्मेलन गर्दै मंसिर ३ गते नेपाल आएका दुईजनामा ओमिक्रोन भेरियन्ट देखिएको जानकारी गराएको थियो । त्यसमा एकजना विदेशी नागरिक थिए भने अर्का नेपाली नागरिक रहेका थिए । उनीहरु दुवैजना क्वारेन्टिनमा रहेका थिए ।