गाउँ सहर

काेराेना अपडेट : शुक्रबार २४६ जना कोरोना संक्रमित थपिए, ३४७ संक्रमणमुक्त

• गाउँ सहर संवाददाता
• १७ मङ्सिर शुक्रबार, २०७८ | १६:१४:०० मा प्रकाशित

काठमाडाैं । देशमा पछिल्लो २४ घण्टामा २४६ जना कोरोनाभाइरस संक्रमित थपिएका छन् । ७ हजार ८३६ जनामा नमुना परीक्षण गर्दा सो संख्यामा संक्रमण पुष्टि भएको हो । यस्तै पछिल्लो २४ घण्टामा ३४७ जना कोरोना संक्रमणमुक्त भएका छन् । सो अवधिमा मृतकको संख्या भने शून्य मन्त्रालयले जनाएकाे छ । 

मन्त्रालयका अनुसार हालसम्म कोरोना संक्रमितको कुल संख्या पीसीआर विधिबाट भएको परीक्षणमा ८ लाख २२ हजार १७२ र एन्टिजेन विधिबाट भएको परीक्षणमा ९५ हजार ५६९ जना पुगेको छ। संक्रमितमध्ये हालसम्म ८ लाख ३ हजार ७१६ जना निको भएका छन् । 

हालसम्म कोरोनाबाट मृत्यु हुनेको कुल संख्या ११ हजार ५३५ जना रहेको छ भने सक्रिय संक्रमित देशभर झण्डै ७ हजार जना रहेकाे मन्त्रालयले बताएकाे छ ।