अर्थतन्त्र

छोरीको जन्म दिनमा उपहार स्वरुप विमा पोलिसी

• गाउँ सहर संवाददाता
• १७ मङ्सिर शुक्रबार, २०७८ | १०:३६:०० मा प्रकाशित

काठमाडौं । सिद्धार्थनगर न.पा.वडा नं. ८, रुपन्देही बस्ने यूवा उद्यमी रवि प्रकाश शर्माले आफ्नो प्रिय छोरी जन्मोत्सवमा आफ्नो छोरी स्पर्धा शर्माको विमा पोलिसी खरिद गरि आफ्नो छोरीको भविष्य सुरक्षित  गरेका छन् ।

आफ्नो छोरीको (२०,००,०००) विस लाखको विमा खरिद गरि आफ्नो छोरीको जन्मदिन मनाएका छन् । जन्मदिनको कार्यक्रममा भैरहवा एरिया प्रमुख नरेश सिग्देलले विमाको महत्त्व र आवश्यकताको जानकारी गराउदै सिटिजन लाईफ इन्स्योरेन्स क.लि.को बारेमा छर्लङ्ग गराउदै आफ्नो प्रिय छोरीको जन्मदिनमा छोरीलाई उपहार स्वरुप  विमा पोलिसी उपहार स्वरुप दिएकोमा उनलाई बधाई संगसंगै धन्यवाद दिए ।

त्यसैगरी भैरहवा शाखा प्रमुख गिरिजा खनालले जन्मदिन जस्ता शुभ दिनमा परम्परागत प्रणाली अनुसार सुन, चादि, हिरा जस्ता बहुमुल्य चिज उपहार दिने प्रचलनलाई तोड्नु पर्नेमा जोड दिएका छन् ।

त्यसैगरी, एजेन्सी मेनेजर श्रीधर सुवेदीले शिक्षित परिवार तर विमा बारेमा चेतना कम भएर पनि विमा नगरेको धेरै ठाउ भेटेको र विमाको महत्त्व अझै आम सर्वसाधारण जनतालाई जानकारी नभएको भन्दै विमाको बारेमा व्यापक कार्यक्रम र जनचेतनामुलक कार्यक्रम गर्नु पर्ने कुरा उल्लेख गरे ।