गाउँ सहर

धर्म परिवर्तन गराएको अभियोगमा पास्चरलाई जरिवाना र दुई वर्ष कैद

काठमाडाैं । धर्म परिवर्तन गराएको अभियोगमा डोल्पा जिल्ला अदालतले एक पास्चरलाई दुई वर्ष कैद सजाय सुनाएको छ। 

मंगलबार न्यायाधीश केशवराज चपाईको एकल इजलासले केशवराज आचार्यलाई दुई वर्ष कैद र २० हजार रुपैयाँ जरिवाना सजाय सुनाएको हो। 

डोल्पा त्रिपुरासुन्दरी नगरपालिका वडा नम्बर २ की एक महिलालाई जबर्जस्ती धर्म परिवर्तन गराएको ठहर गर्दै सो सजाय सुनाएको अदालतका वैतनिक वकिल घनश्याम उपाध्यायले जानकारी दिए। 

पाश्चर आचार्य गत वर्ष चैत ११ गते पोखराबाट पक्राउ परेका थिए। उनले आफ्नो चर्चमा भेला गरी अफवाह फैलाएको आरोपमा पक्राउ परेका थिए। 

उनले यशुले कोरोना भाइरस निको पारिदिने भन्दै अफवाह फैलाएका थिए। उनले सो भिडिओ सामाजिक सञ्जालमा समेत हालेका थिए। उनीविरूद्ध उक्त मुद्दा कास्की जिल्ला अदालतमा पनि विचाराधीन अवस्थामा छ। 

गाउँ सहर संवाददाता

तपाईँको मत