अर्थतन्त्र

मंगलबार शेयर बजार १.४६ अंकले घट्यो, ३ अर्ब ८ करोडको कारोबार

• गाउँ सहर संवाददाता
• १४ मङ्सिर मंगलबार, २०७८ | १५:४७:०० मा प्रकाशित

काठमाडौँ । केही दिनदेखि लगातार शेयर बजार घटिरहेकाे छ । साताको तेस्रो दिन पनि शेयर बजार घटेको छ ।

आज १.४६ अकंले शेयर बजार घट्दा नेप्से परिसूचक २ हजार ६ सय २८.३७ विन्दुमा सीमित भएको छ। ०.०६ प्रतिशतले घट्दा नेप्से परिसूचक २ हजार ६ सय २८.३७ विन्दुमा सिमित भएका हो ।

कारोबार पनि ओरालो लागेको छ । आज ६४ लाख ४७ हजार ४ सय ४९ कित्ता शेयर ३ अर्ब ८ करोड ९० लाख ४१ हजार ९ सय ९१ रुपैयाँमा कारोबार भएको छ ।

यस दिन डेभलपमेन्ट बैंक उपसमूह ०.८३ प्रतिशत, हाइड्रो पावर ०.३८ प्रतिशत, फाइनान्स ०.३६ प्रतिशत, नन् लाइफ इन्स्योरेन्स ०.८३ प्रतिशत, अन्य उपसमूह ०.६९ प्रतिशत र म्युचल फण्ड उपसमूह ०.०७ प्रतिशतले बढेका छन् भने बैंकिङ उपसमूह ०.३७ प्रतिशत, ट्रेडिङ उपसमूह ०.८१ प्रतिशत, होटल एण्ड टुरिजम ०.१३ प्रतिशत, म्यानुफ्याक्चर एण्ड प्रडक्शन उपसमूह ०.८४ प्रतिशत, माइक्रो फाइनान्स उपसमूह ०.२२ प्रतिशत र इनभेष्टमेन्ट ०.५२ प्रतिशतले घटेका छन् ।

सबैभन्दा धेरै ०.८३ समान प्रतिशतले डेभलपमेन्ट बैंक र नन् लाइफ इन्स्योरेन्स उपसमूह बढे्का छन् भने म्यानुफ्याक्चर एण्ड प्रडक्शन ०.८४ अंकले सबैभन्दा धेरै घटेको छ ।