गाउँ सहर

जीप दुर्घटनामा वडा सदस्यसहित चार जनाको मृत्यु

• गाउँ सहर संवाददाता
• १४ मङ्सिर मंगलबार, २०७८ | १०:५८:०० मा प्रकाशित

म्याग्दी ।  जीप दुर्घटनामा वडा सदस्यसहित चार जनाको मृत्यु भएकाे छ । म्याग्दीमा जीप दुर्घटना हुँदा एक जनप्रतिनिधिसहित चार जनाको मृत्यु भएको हाे । सदरमुकाम बेनीबाट रघुगंगा गाउँपालिका- १ बेग गाउँ जाँदै गरेको निलगिरी यातायात प्रालिको ग १ ज ७२५१ नम्बरको जीप सोमबार साँझ दुर्घटनामा परेको थियाे ।

दुर्घटनामा परी गौमाया विक, जीप चालक दुतबहादुर थापा, खिमु पुन र खिमानन्द शर्माको ज्यान भएको प्रहरी निरीक्षक वीरेन्द्रराज गुरुङले जानकारी दिएका छन् । गौमाया रघुगंगा गाउँपालिका- १ बेगकी निर्वाचित वडा सदस्यसमेत हुन् ।

दुर्घटनामा बलबहादुर विक, मनोज पुन, भीम फगामी र ज्ञानबहादुर शेरपुञ्जा घाइते भएका छन् । उनीहररूलाई थप उपचारका लागि पोखरास्थित मणिपाल शिक्षण अस्पताल लगिएको प्रहरीले बताएकाे छ ।