स्वास्थ्य

देशभर थपिए १५८ कोरोना संक्रमित, ३४२ जना निको भए, २ जनाको मृत्यु

काठमाडौं । पछिल्लो २४ घण्टामा देशभर १५८ जना कोभिड संक्रमित थपिएका छन् । ८ हजार ९१८ वटा नमुनाको परीक्षण गर्दा १५८ जनामा संक्रमण पुष्टि भएको हो ।

त्यस्तै पछिल्लो २४ घण्टामा २ जनाको मृत्यु भएको छ । योसँगै नेपालमा कोभिड संक्रमणका कारण मृत्यु हुनेको संख्या ११ हजार ५२३ पुगेको छ ।

त्यस्तै आज ३४२ जना संक्रमणमुक्त भएका छन् । योसँगै नेपालमा सक्रिय संक्रमितको संख्या ६ हजार ९६६ पुगेको स्वास्थ्य तथा जनसंख्या मन्त्रालयले जनाएको छ । 

काठमाडाैं उपत्यकामा कति थपिए ?

पछिल्लो २४ घण्टामा काठमाडौँ उपत्यकामा ६१ जना कोरोना संक्रमित थपिएका छन् ।

स्वास्थ्य मन्त्रालयका अनुसार काठमाडौँमा ४२, ललितपुरमा १३ तथा भक्तपुरमा ६ जना संक्रमित थपिएका हुन् ।

गाउँ सहर संवाददाता

तपाईँको मत