गाउँ सहर

टाटासुमोको ठक्करबाट २ जनाकाे ज्यान गयाे

• गाउँ सहर संवाददाता
• ८ मङ्सिर बुधबार, २०७८ | १४:५५:०० मा प्रकाशित

जनकपुरधाम । सर्लाहीमा टाटासुमोको ठक्करबाट दुई युवकको मृत्यु भएको छ ।

मृत्यु हुनेमा हरिवन नगरपालिका वडा नम्बर ७ का २५ वर्षीय देव मोक्तान र २३ वर्षीय मिलन ब्लोन रहेको जिल्ला प्रहरी कार्यालय सर्लाहीका प्रहरी प्रवक्ता प्रहरी नायव उपरीक्षक माधवप्रसाद बुढाथोकीले जानकारी दिएका छन् ।

हिजाे बेलुका बागमती नगरपालिका वडा नम्बर १० केराबारी स्थित कर्मैयाबाट बरहथवातर्फ जाँदै गरेको बिआर ०५ पिए ७१९९ नम्बरको टाटासुमो विपरित दिशाबाट आउँदै गरेको ज १२ प ९९०७ नम्बरको मोटरसाइकललाई ठक्कर दिएको थियो ।

टाटासुमोको ठक्करबाट मोटरसाइकलमा सवार घाइते भएका मोक्तानको नमुना अस्पताल हरिवनमा लग्दा चिकित्सकले मृत घोषणा गरेको थियो ।

त्यस्तै ब्लोनको दुवै हातखुट्टामा चोट लागि गम्भीर रहेकोमा वीरष्ञ्ज रिफर गर्दा गण्डक हेल्थ केयरमा पुग्दा चिकित्सकले मृत घोषणा गरेको प्रवक्ता बुढाथोकीले जनाएका छन् । टाटासुमो र चालक प्रहरीको नियन्त्रणमा रहेको जिल्ला प्रहरी कार्यालय सर्लाहीले जानकारी दिएकाे छ ।