गाउँ सहर

कानून व्यवसायी र प्रहरीबीच झडप, केही वकिल पक्राउ

• गाउँ सहर संवाददाता
• ३ मङ्सिर शुक्रबार, २०७८ | १२:०३:०० मा प्रकाशित

काठमाडाैं । सर्वोच्च परिसरमा कानून व्यवसायी र प्रहरीबीच झडप भएको छ । नेपाल बार एशोसिएशनको नेतृत्वमा प्रदर्शन गर्दै आएका कानून व्यवासायीहरु सर्वोच्च अदालत परिसरमा प्रवेश गर्न खोजेपछि प्रहरीले राेक्न खाजेको थियो । प्रहरीले कानून व्यवसायीलाई राेक्न खोज्दा दुई पक्षबीच झडप भएको हो । कानून व्यवसायी सर्वोच्च परिसरमा जान खोजि रहेका छन् भने प्रहरीले राेक्न खोजी रहेको छ ।

प्रधानन्यायाधीशले सरकारमा भाग खोजेको भन्दै नेपाल बारले उनको राजीनामा माग गर्दै आएको छ । तर जबराले राजीनामा नदिने बताउँदै आएका छन् । प्रधानन्यायाधीश जबराले वार्तामा आउन गरेको आग्रह कानून व्यवसायीले अस्वीकार गरेका छन् । उनीहरुले प्रधानन्यायाधीश जबराको राजीनामा एक मात्र विकल्प भएको बताएका छन् ।

बारको आन्दोलनमा प्रहरीले हस्तक्षप गरेको भन्दै कानून व्यवसायीले आन्दोललाई थप कडा बनाएका छन् । यस्तै कानून व्यवसायीले आज बारका सल्लाहाकार, पूर्व पदाधिकारीसँग छलफल गर्ने बताइएको छ । प्रधानन्यायाधीश जबराको राजीनामा माग गर्दै बारले २४ गतेदेखि आन्दोलन गर्दै आएको छ ।