गाउँ सहर

सर्वोच्चमा कानुनव्यवसायी र प्रहरीबीच झडप, बारका अध्यक्षसहित एक दर्जन वकिल घाइते

काठमाडाैं । प्रधानन्यायाधीश चोलेन्द्र शमसेर जबराको राजीनामा माग्दै नेपाल बार एसोसिएसन र सर्वाेच्च बार एसोसिएसनको अगुवाईमा आन्दोलनरत कानुनव्यवसायी र प्रहरीबीच आज पनि सर्वाेच्च अदालत परिसरमा धर्नामा बसेका नेपाल बार एसोसिएसनका वकिल र प्रहरीबीच झडप भएको छ । झडपमा बारका अध्यक्ष चण्डेश्वर श्रेष्ठसहित एक दर्जन कानुन व्यवसायी घाइते भएका छन् ।

वकिलहरु मुख्य भवनतर्फ प्रवेश गर्न खोजेपछि प्रहरीले हस्तक्षेप गरेको थियो । सो क्रममा दुई पक्षबीच धकेलाधकेल हुँदै झडपसम्मको अवस्था आएको थियो । 

झडपका क्रममा श्रेष्ठलगायत सामान्य घाइते भएका हु्न् । श्रेष्ठले प्रहरीले लठ्ठीले छातीमा घोचेर ठेलेको बताए । वकिलहरु प्रधानन्यायाधीश चोलेन्द्र शमशेर जबराको राजीनामा माग गर्दै आन्दोलित छन् । 

राणाले प्रयोग गर्ने गरेको बैकल्पिक वाटो पनि रोक्ने योजनामा कानुन ब्यवसायी अगाडी वढेपछि प्रहरीसाग कानुन ब्यवसायीहरुको धकेलाधकेल भएको हो । बिहान साढे १० बजे प्रधानन्यायाधीश छिर्ने गेटतर्फ अगाडि बढेका कानुन व्यवसायीलाई प्रहरीले रोकेको थियो ।

 

 

 

गाउँ सहर संवाददाता

तपाईँको मत