गाउँ सहर

न्यायाधीश मनोज शर्मा प्रधानन्यायाधीशका रूपमा सिफारिस

• गाउँ सहर संवाददाता
• २४ बैशाख बिहीबार, २०८३ | २०:२८:०० मा प्रकाशित

काठमाडौँ । सर्वोच्च अदालतको प्रधानन्यायाधीश नियुक्तिमा यसपटक लामो समयदेखि कायम वरिष्ठताको परम्परा तोडिएको छ । संवैधानिक परिषद्ले वरिष्ठतम न्यायाधीशलाई छाड्दै चौथो वरीयताका न्यायाधीश डा. मनोज शर्मालाई नयाँ प्रधानन्यायाधीशका रूपमा सिफारिस गरेको हो ।

बिहीबार बसेको परिषद् बैठकले शर्माको नाम अनुमोदनका लागि अघि बढाएको हो । यसअघि न्याय परिषद्ले भावी प्रधानन्यायाधीश नियुक्तिका लागि ६ जना न्यायाधीशको नाम संवैधानिक परिषद्मा पठाएको थियो ।

सिफारिस सूचीमा कामु प्रधानन्यायाधीश सपना मल्ल प्रधानसहित न्यायाधीशहरू कुमार रेग्मी, हरि फुयाँल, तिलप्रसाद श्रेष्ठ, डा. नहकुल सुवेदी र डा. मनोज शर्मा रहेका थिए ।