चोरीका करोडौंका गरगहना र नगदसहित महिला पक्राउ
- गाउँ सहर संवाददाता
- १ मङ्सिर बुधबार, २०७८ | १४:०६:०० मा प्रकाशित
काठमाडाैं । कैलालीको लम्कीचुहा नगरपालिकाकी विष्णु शाही र कञ्चनपुर बस्ने उनका दाई लालबहादुर भारतको बेङलोरमा एक वर्षदेखि घरेलु कामदार थिए। बेङलोरस्थित शदाशिव नगरका भेन्कीपिन्च स्कोटीको घरमा उनीहरु काम गर्दै आएका थिए।
स्कोटीकै घरबाट करोडौंका गरगहना र नगद चोरी गरेको आरोपमा विष्णु र लालबहादुरलाई प्रहरीले पक्राउ गरेको जनाएकाे छ । कञ्चनपुरको इलाका प्रहरी कार्यालय त्रिभुवनवस्ती र सशस्त्र प्रहरीको संयुक्त टोलीले मंगलबार बेलौरीबाट उनीहरुलाई पक्राउ गरेको हो ।
उनीहरुबाट १० देशका बैदेशिक मुद्रा र १६३ तोला सुन पनि बरामद गरिएको सशस्त्र प्रहरी बल नम्बर ३५ शैलेश्वरी कञ्चनपुरका प्रमुख विरेन्द्र ऐरले बताए। चोरी गरी ल्याएको डेल कम्पनीको ल्यापटप एक थान, एप्पल कम्पनीको ल्यापटप तीन थान, ४३ हजार ९ सय भारतीय रुपैयाँ, ४० हङकङ रुपैया, १ हजार २ सय ६० थाईलेण्ड भाट, ४१ हजार ५ अमेरिकन डलर, २ हजार ८ सय १० क्यानडियन डलर, २३ मलेसियन रिंगिट, १८ सिंगापुर डलर, १ कतार रियाल, १ सय ३० दुबई दिराम, १ सय ६१ युवान बरामद गरिएको प्रहरीले जानकारी दिएकाे छ ।
इलाका प्रहरी कार्यालय त्रिभुवनबस्तीले बरामद सामाग्रीको मुल्याकंन गरी पक्राउ परेका व्यक्तिसहित समानलाई इलाका प्रहरी कार्यालय बेलौरीलाई बुझाएको छ । इलाका प्रहरी कार्यालय बेलौरीले थप अनुसन्धान गरिरहेको बताएकाे छ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- संकल्पकाे भारी : पाँचदलीय गठबन्धनले ल्यायाे यस्ताे साझा संकल्प (पूर्णपाठसहित)
- सुस्ताएकाे शेयरबजारमा ३ अर्ब ६३ करोडकाे काराेबार
- प्रधानमन्त्रीसँग सांसदहरूको सवाल-जवाफ (लाइभ)
- फेरिए ११ जिल्लाका सीडीओ, अध्यागमन विभागको महानिर्देशकमा निरौला
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
प्रतिकृया दिनुहोस