गाउँ सहर

सर्वोच्च अगाडि आज पनि प्रदर्शन, मंसिर ३ गतेभित्र राजीनामा दिन प्रधानन्यायाधीशलाई बारकाे अल्टिमेटम

• गाउँ सहर संवाददाता
• १ मङ्सिर बुधबार, २०७८ | ११:१८:०० मा प्रकाशित

काठमाडाैं । नेपाल बार एशोसिएशनले आज पनि विरोध प्रदर्शन गरेको छ । बारको नेतृत्वमा कानून व्यवसायीहरुले सर्वोच्च अदालत अगाडि विरोध प्रदर्शन गरेका हुन् । प्रदर्शनमा कानून व्यवसायी र प्रहरीबीच ठेलाठेल भएको थियो । प्रधानन्यायाधीश चोलेन्द्र शमसेर जबराको राजीनामा माग गर्दै २५ दिनदेखि जारी बारको आन्दोलनले सर्वोच्चको नियमित काम प्रभावित हुँदै आएको छ ।

बारले प्रधानन्यायाधीश जबरालाई मंसिर ३ गतेभित्र राजीनामा दिन अल्टिमेटम दिएको छ । बारको प्रदर्शनमा बोल्दै अध्यक्ष चण्डेश्वर श्रेष्ठले मंसिर ३ गतेभित्र राजीनामा नदिए देशभरका उच्च अदालतमा पनि विरोध प्रदर्शन गर्ने चेतावनी दिएका छन् । यस्तै बारले प्रधानन्यायाधी जबराले गरेका विवादस्पद फैसालको अध्ययन गर्ने जनाएको छ ।