अर्थतन्त्र

यी हुन् सबैभन्दा बढी कर तिर्ने १५ करदाताहरू, व्यक्तिमा सिद्धार्थ शम्शेर (सूचिसहित)

• गाउँ सहर संवाददाता
• १ मङ्सिर बुधबार, २०७८ | ०९:५३:०० मा प्रकाशित

काठमाडौं । गत आर्थिक बर्ष २०७७/७८ मा सबैभन्दा बढि कर बुझाउने कम्पनीको पहिलो स्थानमा सूर्य नेपालनै भएको छ ।

सरकारले हरेक बर्ष कर दिवसको अवसर पारेर सबैभन्दा बढि कर दाखिला गर्ने कम्पनीहरुलाई सम्मान गर्दै आएको छ । जसको पहिलो स्थानमा सूर्य नेपाल पर्दै आएको थियो ।

कम्पनीले यो बर्ष पनि आफ्नो ताज जोगाईराख्न सफल भएको छ । सूर्य नेपालले यस अवधिमा आयकर, मूल्य अभिवृद्धि कर, अन्तशुल्क करलगायत हरेक शिर्षकमा उच्च कर तिरेको थियो ।

यस्तै बैंक तथा वित्तीय संस्थाहरुमा धेरै कर तिर्ने बैंकमा भने नबिल बैंक रहेको छ ।

बीमा कम्पनीहरुमध्ये सबैभन्दा बढि कर तिर्ने कम्पनीमा नेपाल पुनर्बीमा कम्पनी पर्दा पर्यटन व्यवसायमा तारागाउँ रिजेन्सी होटल परेको छ ।

यस्तै सहकारी तथा लघुवित्त कम्पनीहरुमध्ये सबैभन्दा बढि कर दाखिला गर्ने कम्पनीहरुमध्ये छिमेक लघुवित्त वित्तीय संस्थाले यो बर्षको ताज पहिरेको छ ।

व्यक्तिगतमा सबैभन्दा बढि कर तिर्नेमा सिद्धार्थ शम्शेर जबरा रहेका छन् ।