स्वास्थ्य

चिसोमा इन्फ्लुएन्जा (फ्लू) बाट कसरी बच्ने ? रोकथामका यी हुन उपाय

• गाउँ सहर संवाददाता
• ३० कार्तिक मंगलबार, २०७८ | १२:२६:०० मा प्रकाशित

काठमाडौँ । जाडोयामसँगै इन्फ्लुएन्जा (फ्लू) बढेको छ । जाडो महिनामा धेरै सक्रिय हुने यो भाइरसले शिशुदेखि जवान, अधबैँसे र वृद्धवृद्धा समेत सबै उमेरका व्यक्तिहरुलाई फ्लू लाग्न सक्छ ।

स्वास्थ्य तथा जनसंख्या मन्त्रालयका अनुसार फ्लू भएका व्यक्तिले बोल्दा, खोक्दा, हाच्छिउँ गर्दा निस्किएका छिटा नजिकको व्यक्तिको नाक वा मुखमा परेमा भाइरस सर्न सक्छ । ती छिटा सासबाट फोक्सोमा पनि जान सक्छन् । भाइरस भएको कुनै सतह छोएर आफ्नो मुख वा नाक छुँदा फ्लू लाग्न सक्छ ।

ज्वरो आउनु, खोकी लाग्नु र घाँटी दुख्नु, टाउको दुख्नु, नाक बन्द हुनु वा सिंगान बग्नु, जिउ र मांसपेशी दुख्नु, थकान महशुष हुनुजस्ता यस रोगका लक्षणहरु हुन् ।

यसबाट बच्नको लागि बिरामी भएका व्यक्तिहरुसँग भौतिक दुरी राख्ने, खोक्दा वा हाच्छिउँ गर्दा मुख र नाक छोप्ने, शारीरिक रुपमा सक्रिय हुने र प्रशस्त तरल पदार्थ र पौष्टिक खाना खाने, सम्भव भए बिरामी हुँदा घरमै बस्ने, बेलाबेलामा साबुनपानीले हात धुने, आँखा—नाक—मुख नछुनेजस्ता उपाय गर्नुपर्दछ ।