गाउँ सहर

सर्वोच्च अदालतको मुल प्रवेशद्वारमै वकिलहरूकाे धर्ना

• गाउँ सहर संवाददाता
• २६ कार्तिक शुक्रबार, २०७८ | १०:२७:०० मा प्रकाशित

काठमाडौं । प्रधानन्यायाधीश चोलेन्द्रशमशेर जबराको राजीनामा माग गर्दै कानून व्यवसायी सर्वोच्च अदालतको मुल प्रवेशद्वारमै धर्नामा बसेको छ । 

बारका पदाधिकारीहरूलाई सर्वोच्च अदालत परिसरमै प्रहरी हस्तक्षेप गरेको विरोधमा आज कानून व्यवसायीहरु धर्नामा बसेका हुन् । उनीहरुलाई प्रहरीले अदालत प्रवेशमा रोक लगाएको छ । 

यस्तै कानून व्यवसायी र प्रधानन्यायाधीशका समर्थकबीच झडप भएको छ । त्यहाँबाट प्रहरीले केहीलाई पक्राउ गरेको छ । त्यहाँ आन्दोलनरत पक्ष र विपक्षका कानुन व्यवसायीहरूबीच केहीबेर धकेला-धकेल भएको थियो । 

प्रदर्शनका कारण सर्वोच्च अदालत अगाडिको सडक अवरुद्ध भएको छ । सडक अवरुद्ध भएपछि  त्यस आसपासको क्षेत्रमा ट्राफिक जाम भएको छ।