गाउँ सहर

प्रहरीले बुझायो अनुसन्धानपछि जिल्ला सरकारी वकिल कार्यालयमा अनुसन्धान प्रतिवेदन

• गाउँ सहर संवाददाता
• ८ जेठ सोमबार, २०८० | १३:५८:०० मा प्रकाशित

काठमाडौं । जिल्ला प्रहरी परिसर काठमाडौंको टोलीले नक्कली भुटानी शरणार्थी प्रकरणको अनुसन्धान सकेर सरकारी वकिलको कार्यालयमा काठमाडौंमा प्रतिवेदन बुझाएको छ ।

जिल्ला प्रहरी परिसर काठमाडौंले झण्डै दुई महिना लामो अनुसन्धानपछि सोमबार दिउँसो प्रतिवेदन बुझाएको हो ।

नेपाली नागरिकलाई भुटानी शरणार्थी बनाएर अमेरिका पठाइदिन्छु भन्दै करोडौं असुली गर्ने प्रयासमा कम्तिमा ३२ जना संलग्न रहेको निष्कर्ष निकालेको र रायसहितको अनुसन्धान प्रतिवेदन जिल्ला सरकारी वकिलको कार्यालयमा बुझाएको काठमाडौं प्रहरी परिसरका एक अधिकृतले बताए ।

प्रहरीले पक्राउ परेका १६ जनासहित ३२ जनाविरुद्ध २७ करोड बिगोसहित जरिबाना गर्नुपर्ने उल्लेख गर्दै प्रतिवेदन तयार पारेको छ ।

नेपाली युवालाई नक्कली भुटानी शरणार्थी बनाएर अमेरिका लैजान सक्रिय गिरोहविरुद्ध प्रहरीले अभियान चलाएको थियो । सो मुद्दामा पूर्वगृहमन्त्री बालकृष्ण खाँण, पूर्वऊर्जामन्त्री टोपबहादुर रायमाझी, सचिव टेकनारायण पाण्डेसहित १६ जना पक्राउ परेका छन् ।

बाँकी फरार रहेका १६ जनाविरुद्ध पनि मुद्दा चलाउन सिफारिस गरिएको छ ।

यसैबीच प्रहरीले भुटानी शरणार्थी प्रकरणमा गरेको अनुसन्धनको प्रतिवेदन सरकारी वकिललाई बुझाएको छ । जिल्ला प्रहरी परिसर काठमाडौंको टोलीले अनुसन्धान पूरा गरेर जिल्ला सरकारी वकिलको कार्यालय काठमाडौंलाइ प्रतिवेदन बुझाएको हो । प्रतिवेदनमा संगठित अपराध, ठगि र राज्य विरुद्धको अपराधमा मुद्दघा चलाउन सिफारिस गरिएको छ । 

“प्रहरीले आफ्नो तर्फबाट अनुसन्धान सकेर प्रतिवेदन बुझाएको छ । प्रतिवेदनमा संगठित अपराध, ठगि र राज्यविरुद्धको अपराधमा मुद्दा चलाउन रायसमेत प्रस्तुत भएको छ,” जिल्ला सरकारी वकिल कार्यलयको प्रमुख उपन्यायाधिवक्ता अच्युतमणि न्यौपानले भने, “उहाँहरुले सिफारिस गर्नुभएको छ । मुद्दघा चलाउने अधिकार हामीलाई भएकाले प्रतिवेदन अध्ययन पछि निर्णय हुन्छ ।”