स्वास्थ्य

देशमा अब सात हजार ६१२ सक्रिय संक्रमित, एकको निधन, ५३३ नयाँ थपिए

काठमाडौँ । नेपालमा कोरोनाबाट पछिल्लो २४ घण्टामा थप १ जना संक्रमितको मृत्यु भएको छ । योसहित अहिलेसम्म कोरोनाबाट मृत्यु हुनेको संख्या ११ हजार ४५४ पुगेको छ ।

पछिल्लो २४ घण्टामा १६ हजार ७३६ को परीक्षण हुँदा ५३३ संक्रमित थपिएका छन् ।

मन्त्रालयका अनुसार निको हुनेको संख्या गत २४ घण्टामा ४८४ छ । देशभरका क्वारेन्टाइनमा रहनेको संख्या ११० छ ।

देशमा सक्रिय संक्रमितको संख्या सात हजार ६१२ रहेको छ ।

अहिलेसम्म पूर्ण खोप खोप लगाउनेको संख्या ७४ लाख ६८ हजार ९१४ छ । पछिल्लो समय ४३ हजार ३८० जनाले खोप लगाएका छन् ।

मन्त्रालयका अनुसार संक्रमण दर १८.२ प्रतिशत र मृत्यु प्रति दश लाखमा ३७७ रहेको छ ।

मन्त्रालयका अनुसार अहिले ५०० भन्दा बढी संक्रमित रहेका जिल्लाहरु २ छन् भने २०० माथि संक्रमित रहेका ९ जिल्लाहरु छन् ।

तर मुगु र हुम्ला शुन्य संक्रमित रहेका जिल्ला बनेका छन् ।

गाउँ सहर संवाददाता